ما معنى (افرق السوم)

Question

لما تكون سيارة انسامت من ٣ اشخاص ..
الاول ب ٧٠ الف والثاني ب ٦٠ الف والثالث ب ٦٤ ألف .
ولما تسأل البايع عن حده يقول لك ما عندي حد البيع على السوم , ولما توضح له انك صامل فيجاوبك افرق السوم وخذها..
ما معنى كلامه افرق السوم؟
وكيف افرقه؟
هل يعني اني ازيد على اعلى سومة؟
طيب هل ينفع اني انقص عنه بحكم اني صامل وشراي ودراهمي جاهزة ومستعد للشراء بشكل فوري؟
وهل يختلف معنى افرق السوم لو ذكر حده فيها مثلا بأن قال لك حدي فيها كذا مثلا ٨٠ الف فإن كنت تبيها افرق السوم وخذها .

Answer 1

( معنى كلامه فرق السوم ) هو انك تزيد على اعلى سوم , وبما انك ذكرت ان اعلى سومه هي 70 الف ريال . فبذلك تزيد على هذا المبلغ حتى لو بخمسين ريال . المهم أن لايكون البائع محرج أمام من سام قبلك بأعلى سومه لو باعك بنفس سومته. والبائع واضح أنه سيبيع بمبلف 70 الف وبزيادة بسيطة .

Comments

:|  

Answer 2

فرق السوم يعني : زيادة على أعلى عرض .